烦。。。

今日晨早就喺度烦。aih... 成日都係咁，冇事揾事烦，小事亦要烦餐饱，讲下就算唔得嘅？！成日都要响度拗、拗、拗！！！好多次咗，唔管我事但係受罪嘅係我，唔出声都唔得咗，受够啦！每次都係帮小佬食死猫。小佬啊！我真係想求下你做嘢做好D来啊！有手尾D。我唔钟意日日都咁鬼烦啊！

係唔係到咗呢个年级嘅人都係咁？好似好多嘢都睇唔开，少少嘢就要又讲又拗，讲好来唔得嘅？唔係嘅话就唔出声，一出声就家吵屋闭。烦死啦！令我觉得我地班仔女好似係你地嘅负担、负累咁。有时一只眼开一只眼闭会唔会更好leh？！有时你要讲要拗我都冇出声咗，一出声就肯定死硬，一定话“话我又唔钟意”呢D果D，我觉得有道理嘅我会听，觉得冇道理嘅有时咪就忍下让下你讲咯！费事吵。但係有时亦都希望你会知道自己到底有冇讲错。小嘅永远都会跟住大嘅做嘢，大嘅就永远唔会因为小嘅改变而去改变。

屋企果位大男人就係永远嘅大男人来嘎！永远都係，唔会改变。明知呢个係事实，有时就要迁就下咯！双方都咁硬颈，所以永远都冇好好地倾下计就係咁。你又烦佢大男人呢D果D，我地就成日听你呻。果个大男人又係嘅，成个小佬个脾气咁，我都冇佢负啊！aih...

冇事嘅时候好ok嘅，一有事我都唔想留喺屋企咗。依家果种唔想咁多时间喺屋企嘅心态又返来啦！好似中三果阵。。。有时唸到返到屋企可能又要烦呢D果D就真係宁愿同朋友一起嘅时间久D仲好。阿哥就好ler。。。係唔係喺出边住会好D leh？！读远D住出边。。。？？我睇呢D都係唸下就好。。。

昔日（小个嘅时候）幸福开心嘅生活去咗边度leh？！係唔係仔女大个咗呢D都会消失？还是係大嘅食古不化而造成嘅leh？烦。。。 :-(